بنتى مريم جت

(إِنِّي سَمَّيْتُهَا مَرْيَمَ وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ) آل عمران:36

كل سنه وانتم كلكم طيبين ورمضان كريم 

حبيت افرحكم معايا وأقولكم انى خلاص بقيت أم مريم 

ادعولى ربنا يحميها ويخليها لينا انا وبباها وكل الناس الى بتحبها 

دمتم بكل خير 

اختكم جميله

مدونه بريد القلوب الحزينه

السلام عليكم 

ازيكم يا شباب ويا بنات 

انا عملت مدونه جديده اسمها 

مدونه بريد القلوب الحزينه 

اتمنى انكم تشرفونى هناك 

لكم كل الشكر 

وده الشعار بتاع المدونه اتمنى انكم تحطوه فى المدونات بتاعتكم

دمتم بكل خير 

اختكم جميله المصرى

انا عندى فكره .. أيه رأيكم ؟؟؟؟

السلام عليكم 


عندى فكره لعمل مدونه وحبيت اخد رأيكم فيها وأتمنى أنها تعجبكم 

فكره المدونه بأختصار هى مدونه بريد القلوب الحزينه  وبالمناسبه ده قسم فضلت كذا سنه مشرفه عليه فى احدى المنتديات ولقى نجاح كبير وسبته لما جيت  اتجوز  نظرا لأنشغالى المستمر عنه قبل فتره الجواز وتحضيرى لجوازى وكده .. فجتنى الفكره دى انى اعمل مدونه واسميها مدونه بريد القلوب الحزينه وارد فيها على استفسراتكم ولو اى حد عندو مشكله لا قدر الله اساعده وانتم كمان تساعدوه بتعليقاتكم ...وتبقى مدونه للخدمه العامه ..


ايه رأيكم ؟؟؟؟؟
مستنيه ردكم لو عجبتكم الفكره هعمل المدونه


اتفقنا


سلام


اختكم


 جميله المصرى

مدونتى الجديده .. الشتاء امرأه

http://elshtaaemraa.blogspot.com/

اتمنى زيارتكم 

أبتسامه مرتعشه ... قصه قصيره

يركض مسرعاً .. تتمهل خطواتى وقلبى لا تتمهل دقاته منذ أن رأيته وشعرت أن الوقت قد توقف .. نقف وسط فجوه من فجوات الزمن فتوقف الزمن بها .. توقف لحظه  ثم دارت عجله الزمن سريعه سريعه جداً الى الأمام يمر الوقت كأنه لمح البصر فكل شى قد حدث بسرعه .. أصطدم بى فنظرت إليه فنظر إلىَ نظره عابره وأرد أن يغادر تلك الفجوه ولكن هيهات عيونى تنظر له وتتبعه فسقط هو الأخر معى .. فرفع لى حاجبين متسائلين كأنه لا يعرفنى كأنه يحاول أن يتذكر أو فى الحقيقه كان يحاول أن ينسى ماكان يتذكر .. ينسى  ما كان بيننا فنظرت إلى عينيه أردت أن أستنكر ما يحاول تناسيه فإذا به قد تذكر ما لم يستطع نسيانه  ..أنتِ؟؟! فقلت له بالعيون قبل الكلمات نعم .. فرفع عينين داهشتين إلى السماء وأبتسامه مرتعشه كلما أرادت أن تبتسم تسقط خائفه عن شفتيه .. خائفه من عيونى خائفه من العتاب .. وأى عتاب سيولد بيننا بعد ما كان بيننا .. أرتديت نظارتى الشمسيه ومددت له يد قد قتلها الثلج فلم تعد تشعر بيده .. وأبتسمت له أو لعلنى لم أبتسم وغادرنا تلك الفجوه وأعطى كل منا ظهره للأخر  ومضيت فى طريقى مسرعه الخطواتى كأننى أهرب من شئ .. كأننى أهرب . أهرب من نفسى .. وشعرت حينها أن عجله الزمن قد دارت بسرعه بسرعه فائقه ولكن تلك المره عائده للخلف  ..


أبتسامه مرتعشه 
بقلم 
جميله المصرى

محطه قطار .. قصه قصيره

يجلس كل يوم في المحطة في ذات الوقت فأصعد معه القطار وأحرص دائماَ على أن أجلس أمامه فيضع عينين ملصقتين في الجريدة .. جريدته .. لكم تمنيت أن أكون جريدة ,لكم تمنيت أن أكون جريدته  فقط لينظر إلى سطوري ,  ليتخلل أخباري بعينيه , ليعرف مشاعري , وفى ماذا أفكر .. وتمر الدقائق ويتوقف القطار ويذهب هو تاركاَ جريدته مطوية ومهملة على مقعده أياماَ وأياماَ أخرى يحملها معه .. وأتبعه ببصري من النافذة حتى يذهب القطار .

كل يوم كل يوم .. حتى يوم لَكَم تمنيت أن يأتي  ولكنه عندما أتى تمنيت أن لم يأتِ أبداً .. جلس أمامي , ولأول مره يرفع عينيه عن جريدته .. نعم يهملها ثوانٍ ويهتم بي .. شعرت بريبه , شعرت بخوف ممزوج بسعادة , و وجدت الأفكار تتسارع في رأسي هل أكمل النظر إليه ؟  لا لا لا .. أظننى سأنظر من النافذة .. لا لن أفعل .. سأكمل النظر إليه لعله يشعر بي  لن أضيع مثل تلك الفرصة .. و هم أن يفتح فاه ليتحدث .. نعم نظر إلى عيني مباشرة وسيتحدث .. ماذا سيقول ؟؟!. والله يكفيني أن يبتسم فقط . فوجدته يقول لي  لقد مللت حملقتك لي كل يومٍ , ماذا تنتظرين منى أن أفعل لكِ بعد كل تلك الحملقة المستمرة وضحك ضحكه كسولة بجانب فمه لم تكشف عن أسنانه ونظرة ثاقبة تحمل غضب وشفقة يرمقني بها , ومن ثمَّ عاود النظر إلى جريدته . وتركت أنا القطار هذه المرة قبل أن تأتى محطته أو حتى محطتي .

محطه قطار 

قصة قصيرة 

أخر ما خطَّه قلمي

جميلة المصري

ممكن مساعده ؟؟ ضرورى يا جماعه اختكم فى ورطه

السلام عليكم 

بقالى فتره ياجماعه مش عارفه ادخل على المدونه بتاعتى زى الاول 

كل اما اجى افتح الصفحه وتتحمل تقوم متغيره صفحه المدونه وتبقى مدونه تانيه بالانجليزى وافضل احاول فى مدونتى عشان اعرف اتصفحها وفين وفين عقبال ما احاول وتيجى مره كده واعرف اكتب حاجه من غير ما تتحول لصفحه المدونه دى http://credit-news.org/ وبعد ما اكتب التعليق تقوم رجعه تانى تتفتح على المدونه التانيه بردو 

ربنا يخليكم يا جماعه محدش يعرف يحل ليا المشكله دى؟؟؟؟ ولا يقولى اذا كان بيصادفها عندو ولا لا ؟؟؟ او اذا كان لما بيدخل مدونتى بيلقى اللنك ده اتفتح عندو ولا لا؟؟

 انا خايفه يكون فى حد عامل هكر على المدونه بتاعتى عشان يزهقنى ومش ادخلها 

انا بقالى فتره طويله مش عارفه احط اى موضوع بسبب كده 

مستنيه ردكم 

وجزاكم الله كل خير 

اختكم جميله

يابلادى انا بحبك

يا حبايب مصر

شهداء ثوره 25 يناير . مصر

كلمه محمود سعد

فيديو بألف كلمه

http://www.facebook.com/video/video.php?v=1574151594058&oid=183109598386912&comments

السلام عليكم 

من اول يوم حصلت فيه الثوره ومكنتش لاقيه كلام اقوله من اول ما انقطع النت لحد ما جه امبارح كنت رافضه تماما انى اعلق بأى كلمه على أى حدث بيحصل فى مصر .. ده لأنى مكنتش لاقيه كلام يوصف شجاعه وكرامه وحب شعب وشباب مصر لأرض مصر .. فكنت ملتزمه الصمت ومن جوايا بدعى يعدى الايام دى على  خير ..

شباب بكل الاعمار خرج يطلب الحريه بس الحريه

وكانت الفجيعه والله العظيم الفيديو ده من أسوء وأوجع واحزن فيديو شفته من بدايه اندلاع الثوره لحد دلوقتى 

حرررررررااااااااااااااااااااااااااااااااام

بس كده

ومش قادره اتكلم تانى 

كفايه الفيديو 

إهداء إلى زوجى الحبيب

خلى عيونكم عليها .. أنا لله وأنا إليه راجعون

والله دى مؤامره عشان يدسوا الفتنه بين المسيحين والمسلمين والله حرام بجد حرام الى بيحصل ده بلدى أكبر من كده بكتير يااااما وقف المسلمين مع المسيحين وياما وقف المسيحين مع المسلمين بصوا فى كل بيت بصوا فى كل شارع هتلاقى الجامع قدام الكنيسه اشمعنا دلوقتى ان المسلمين كرهوا المسيحين اشمعنى مهم طوووووول السنين مع بعض لازم نفكر ان دى بجد مؤامره ...