Custom Search

صحاب البيت

الجمعة، 8 أبريل 2011

ممكن مساعده ؟؟ ضرورى يا جماعه اختكم فى ورطه

السلام عليكم 

بقالى فتره ياجماعه مش عارفه ادخل على المدونه بتاعتى زى الاول 

كل اما اجى افتح الصفحه وتتحمل تقوم متغيره صفحه المدونه وتبقى مدونه تانيه بالانجليزى وافضل احاول فى مدونتى عشان اعرف اتصفحها وفين وفين عقبال ما احاول وتيجى مره كده واعرف اكتب حاجه من غير ما تتحول لصفحه المدونه دى http://credit-news.org/ وبعد ما اكتب التعليق تقوم رجعه تانى تتفتح على المدونه التانيه بردو 

ربنا يخليكم يا جماعه محدش يعرف يحل ليا المشكله دى؟؟؟؟ ولا يقولى اذا كان بيصادفها عندو ولا لا ؟؟؟ او اذا كان لما بيدخل مدونتى بيلقى اللنك ده اتفتح عندو ولا لا؟؟
 انا خايفه يكون فى حد عامل هكر على المدونه بتاعتى عشان يزهقنى ومش ادخلها 
انا بقالى فتره طويله مش عارفه احط اى موضوع بسبب كده 

مستنيه ردكم 
وجزاكم الله كل خير 

اختكم جميله

هناك 15 تعليقًا:

  1. للأسف أنا معنديش حل للمشكله دي و هي حاجه تضايق جداً يا رب حد يكون عارف يفيدك
    كنت عايزه أسلم بس
    ربنا يصلح الحال

    ردحذف
  2. السلام عليكم

    مرسيه يا شيرين والله ده كفايه مرورك الجميل وتعليقك العسل ده ياقمر والله وجودك لوحدو فى الموضوع وتعاطفك ودعاكى ليا ده كبير اووووى عندى ربنا يخليكى يا سكر نورتينى ياقمر والله يسلمك دائما من كل شر

    تسلم ايدك ياسكر

    دمتى بكل خير

    اختك جميله

    ردحذف
  3. السلام عليكم

    شوفى اختى انا فعلا افتقدتك جدا وقلت انك ربما تكونى مسافرة ولا حاجة

    بصى انت حاولى تغيرى قالب المدونة ممكن يكون القالب اصابه فيروس او ان فيه كود معطل الامور .... انا حصل معايا شىء مشابه بسبب كود اداة موسيقى كان مبوظ الدنيا عندى واخويا ربنا يخليه قالى ان هو السبب
    يعنى ربما يكون شىء بعيد عن تفكيرك خالص يكون السبب

    غيرى القالب وشوفى الاكواد واعملى سكان علي الجهاز ربما يكون فيه فيروس

    وكمان احذفى الملفات المستهلكة history وان شاء الله كل شىء يكون كويس وابقى طمنينى على النتيجة بس اكيد القالب هو السبب حصل فيه لخبطة

    ربنا معاك حبيبتى وفى انتظار جديدك
    تحياتى لك

    ردحذف
  4. بصى لو حصل برده لخبطة اعملى مدونة جديدة واكتبى هنا بوست عنها علشان الكل يعرفها وانقلى اهم موضوعاتك فيها وامرك لله ما تقلقيش كلنا بيحصل معانا كده واكتر :)

    ردحذف
  5. السلام عليكم

    مرسيه ياقمر على ردك عليا ربنا يخليكى
    بس انا عندى مشكله بسيطه انى مبعرفشى ازاى القالب بتاع المدونه يتغير

    بس على كل حال هحاول ربنا يسهل

    مرسيه اووووى يا قمر وجزاكى الله كل خير

    دمتى بكل خير

    اختك جميله

    ردحذف
  6. الحمد لله فعلا كان عندك حق يا ام هريره انا حذفت كل ملفات الجافا الى كنت حطاها وفعلا هى السبب والمدونه رجعت تانى كويسه الحمد لله

    ربنا يخليكى يا سكر والله مش عارفه اقولك ايه جزاكى الله كل خير والله ريحتينى جداااااااااااااااااااااااااااا

    تسلم ايدك

    اختك جميله

    ردحذف
  7. بصى حبيبتى بالنسبة لتغيير القالب اذهبى لخانة تصميم وبعدين اذهبى لخانة مصمم نماذج اختارى نموذج ومن تحته تلاقى مربعات الاشكال الخاصة بالنموذج اللى اخترتية وحنبها بيانات التعديل حاولى بهدوء وجربى وما تعمليش تأكيد او تطبيق على المدونة الابعد ما تقتنعى بالقالب سهلة جدا على فكرة بس حاولى .... اى سؤال كلنا تحت امرك حبيبتى
    تحياتى لك

    ردحذف
  8. الأخت الغالية / جميلة

    الحمد لله إن المشكلة أتحلت .. وشكرا للأخت أم هريرة .. وحشتينا كثير أخت جميلة .. وسعداء برجعتك بالسلامة وإطمئناننا عليكى .

    تحياتى

    أخوك / تامر

    ردحذف
  9. الحمد للله على سلامتك وسلامة مدونتك
    رؤوف

    ردحذف
  10. كويس ان المشكلة اتحلت يا جميلة

    علشان وحشتينا اوى يا قمر

    يارب دايما تكونى بخير

    وردة لعيونك

    ردحذف
  11. السلام عليكم
    ام هريره والله مش عارفه اودى جمايلك دى فين ربنا يخليكى يارب ونردها ليكى فى الافراح ان شاء الله تسلم ايدك والله فرحتينى جداااااااااااااااااااااااا.

    اخى الكريم تامر والله مبسوطه بتعليقك جدااا ربنا يخليك يارب وان شاء الله هرجع واحط موضوعات زى الاول مرسيه ليك ولاهتمامك .

    اخى رؤوف الله يسلمك مرسيه ليك وتسلم ايديك ..

    فينوس القمر انتى كمان وحشتينى كتير ياسكر انتى ازيك وعامله ايه يارب تكونى بخير دائما مرسيه على الورده يا عسل

    دمتم كلكم بخير وسعاده

    اختكم جميله

    ردحذف
  12. حبيبتي جميله انا بدخل عادي المدونه ومفيهاش مشاكل بس بدخلها من خلال مدونتي نبضات جار القمر وانتي لو عاوزه تدخلي مدونتك تروحي لصفحه جوجل وتشوفي الرابط بتاع مدونتك في اعلى الصفحه على يدك الشمال اضغطي على كلمه حسابي ودوري تحت على كلمه بلوجر بالانجليزي واضغطي عليها هتجيلك الصفحه الرئيسيه للبروجر واسفه لتأخري على الرد لاني لسه بشوف تعليقك دمتي بود وحب وسعاده ياعسل/ ديدي احمد /

    ردحذف
  13. بصراحه ياقمر مش عارفه ابعث تعليق مش عارفه بختار عن طريق حساب جوجل واحط الحساب بيرجع التعليق الي كتبته تاني مش عارفه اختار ايه عشان تعليقي يوصلك هختار مجهول وامري لله /ديدي احمد/

    ردحذف
  14. مرسيه يا ديدى يا قمرايه ربنا يخليكى يارب

    دمتى بكل خير

    اختك جميله

    ردحذف