أحمد السباعي- أمل الرجوع

الاسم: أحمد محمد عبد الحميد السباعي

السن: 24 سنة

تاريخ الميلاد: 5/1/1990

محل الميلاد: جدة، المملكة العربية السعودية

الدراسة: حاصل على ليسانس آداب لغات شرقية، لغة تركية 2010

الوظيفة: مسئول أول قسم المفقودات بشركة ASE Egypt – مطار برج العرب

محل الاقامة: الاسكندرية

مكان الاقامة الحالي: مستشفى السلامة أندلسية، الشلالات - العناية المركزة

أحمد الأصغر في أخواته، ترتيبة السادس في الأخوة في عائلة من 8 أفراد.

أحمد تعرض يوم 5 ديسمبر لحادث مروري أثناء رجوعة من مطار برج العرب حيث يعمل في أحد شركات الخدمات الجوية الخاصة كمسئول أول قسم المفقودات، الاصابات التي تعرض لها كانت كسر في الجمجمة ونزيف شديد في المخ وتجمع دموي خارج الأم الجافية بالناحية اليسرى وتجمع دموي هوائي بالغشاء البلوري للرئة اليسرى بالإضافة إلى كسر بالنتوء الشوكي للفقرة الثامنة وكسر بالفقرة القطنية الأولى. تم نقله في البداية لمستشفى العامرية العام على وهناك تم التعامل معاه بطريقة غير انسانية تسببت في دخوله غيبوبة قبل ما يوصل مستشفى السلامة المتواجد فيها حاليا

الحادثة تقريبا حصلت الساعة 6:40 دقيقة صباحا وبعد حوالي ساعة تم نقله في البداية لمستشفى العامرية العام وهناك تم التعامل معاه بطريقة غير انسانية ولم يتم التعامل مع النزيف ولا كسور الفقرات، أصدقاء أحمد لما شافوا إن حالته بتسوء جابوا الاسعاف تاني ونقلوه لكن الاسعاف كان غير آدمي ولم يتم تزويده بأنبوبة أوكسجين مما تسبب في دخوله في غيبوبة قبل ما يوصل مستشفى السلامة الجديدة المتواجد فيها حاليا. الحمد لله طوارئ المستشفى أنقذت حياته حرفيا وقامت بإستدعاء استاذ حراجة المخ والاعصاب/ أنور هيكل لإجراء جراحة تفريغ النزيف.

ومع مرور خمسة اشهر فى الغيبوبه و مع استمرار المتابعة و قيامه بأكثر من جراحة منها تفريغ التجمع الدموى يوم الحادث، عمل شق في الحنجرة، وتثبيت فقرات العمود الفقرى في منتصف مارس وغيرها بدأت تتحسن درجة الوعي بصورة بطيئة لكن مستمرة في الارتفاع. في الأسابيع الأولى أحمد ابتدى يفتح عينيه مع الألم وبعدها سجل استجابات بسيطة لصوت المقربين جدا منه وابتدى يبلع ريقه، يحرك راسه باتجاه الصوت ويستجيب بعنيه ويحرك شفايفه ببعض أسامي المقربين منه وبعض الكلمات زي الحمد لله ويارب.

كنا بنعرض حالة أحمد على أكثر من استشاري داخل وخارج مصر لأننا في البداية ماكناش مستوعبين يعني ايه غيبوبة عميقة ويعني ايه أحمد مش بيفوق وابتدينا ندرك خطورة نقص الاوكسجين اللي حصل بسبب قلة ضمير مايقال عنهم أطباء ومسعفين. كل الناس أجمعت إن الجراحة اللي حصلت لأحمد وعملية تفريغ النزيف كانت بفضل الله سبب إنقاذ حياته وإن موضوع استجابات أحمد هي في الأول وفي الآخر هتكون بإيد ربنا. إحنا مافقدناش الأمل وعرضنا حالة أحمد على واحد من أكبر الجراحين المتخصصين في المخ والأعصاب في مستشفى ولينجتون في لندن وكانت اجابته إن أحمد هيحتاج يتنقل لوحدة تأهيل متخصصة في نزيف المخ وإن من الصعب الحكم على وضع أحمد الصحي في الوقت الحالي وأهم مافي الأمر أول ست شهور من الحادث. وبعد فتره عرضنا حالة أحمد على جراح ألماني زائر ويعتبر واحد من أفضل الجراحين في العالم، البروفيسير قال إن أحمد مع التأهيل إن شاء الله هيقدر يرجع طبيعي وإنه مش مستبعد إن أحمد في يوم من الأيام ممكن يدخل بنفسه ويسلم عليه ويكلمه لكن المهم توفير المكان المناسب والمؤهل لحالته. مع الاسف حالة أحمد تحتاج مركز تأهيل متخصص لإصابات نزيف الدماغ ولديه القدرة على استقبال بمستوى حالة أحمد لأنه إلى الآن لم يستقل بصورة كاملة عن الأدوية وأجهزة مراقبة الوظائف الحيوية. والمشكلة إن مثل هذه المراكز غير متواجده فى مصر ولا في الكثير من بلاد العالم

أنا قمت بعمل مراسلات مع عدد من هذه المراكز، معظمها بتتكلم عن أرقام فلكية لأن فترة علاج أحمد هتتخطى 12 شهر ولأن أحمد يحتاج تأهيل خاص ومكثف جدا، التكلفة ممكن تتخطى 400 ألف يورو في ميدكال بارك في ألمانيا، مستشفى ولينجتون في لندن طلبت 500 ألف استرليني مقدم ومراكز أمريكية مثل مركز شيكاجو للتأهيل و مستشفى ميدستار بلغتنا بإن التكلفة ممكن تتخطى مليون دولار أمريكي

اللهم لا اعتراض، نحن لا نملك مثل هذه التكلفة ولا الشركة التي يعمل بها أحمد تستطيع تحمل النفقات، أحمد لحد الآن يعاني في العناية المركزة، أصيب أكثر من مرة بعدوى رئوية آخرها تسببت في تسمم دموي ولولا حفظ الله كانت أودت بحياته. في الوقت الحالي نحن نقوم بجمع تبرعات من خلال الفيسبوك وأنشأنا حملة‫#‏ساعدوا_أحمد_السباعي‬ وقمنا بعمل رمز إدفع 6 جنيه من مليون مواطن مصري، الحملة جمعت الحمد لله أكثر من570 ألف جنيه وللأسف لسه الرقم ضعيف جدا بالنسبة للمبالغ المطلوبة.

حاولنا نتواصل مع أكتر من جمعية خيرية لتغطيتنا قانونيا، كلها أخدت تقارير عن الحالة وناس منهم مافكرتش حتى ترد علينا. عندنا أكتر من مشكلة منها الوقت اللي مش في صالح أحمد لأنه محتاج يبتدي التأهيل في أسرع وقت ووجوده داخل العناية المركزة طوال الفترة اللي فاتت سببه التهاب رئوي متكرر آخرها آدى لتسمم عام في الدم وعمل توقف في وظائف الكلى والكبد وضعف في عضلة القلب ومشاكل في انتاج الدم "نقل 14 كيس دم" وكانت نسبة الهيموجلوبين مابتزيدش عن 7. الحمد لله الحمد لله خروج أحمد من أزمه زي دي إعجاز من ربنا سبحانه وتعالى وإن كانت استهلكت جسمه بالكامل فيها. هو حاليا الحمد لله بيتحسن، بيعمل علاج طبيعي لحين إنهاء إجراءات سفره وبكره إن شاء الله صباحا هيدخل جراحة لتركيب أنبوبة تغذية من المعدة.

احمد فى حاجة فقط لستة جنيهات ( 6 جنيه ) من كل شخص قادر ويرغب فى المساعدة املا فى جمع 6 جنيه من مليون شخص كريم تكاليف علاجه فى الخارج لانه الامل الوحيد فى بقائه على قيد الحياه. أحمد لسه عنده عزيمة وقلبه كله إيمان وصبر روح مقاتله مؤمنه بربنا ساعدوا احمد للوصول الى نور الحياه مرة اخرى

نحتاج نشر القصة ومساعدكم لجمع التبرعات لعلاج أحمد.

جعلكم الله عونا لكل مضطر. وجزاكم الله كل خير

الصفحة الخاصة بأحمد على الفيسبوك

https://www.facebook.com/AhmedsRecovery

احنا هنا صفحة إلى ربات البيوت هنفضل نعلن و نكرر النشر و كل الاوراق الرسمية اللي تثبت صحة حالة و ظروف احمد معانا بعد إستإذان اسرته و موجودة لكل اللي يحب يتأكد من الكلام ده .. مساعده بسيطة هتفرق معاه كتير .. رجاء التواصل على صفحته الرسمية و معرفة تفاصيل المساعدات .

إزاي تساعدوا لأحمد:

1. التبرع من خلال موبينيل كاش على الرقمين التاليين:

01226461797

01204975793

2. التبرع على فودافون كاش على الرقمين التاليين:

01092752891

01024848646

3. التنسيق مع المتطوعين في حملة التبرعات في مصر والامارات والسعودية:

القاهرة:

أحمد حامد : 01002752291

هاجر انور:01119285391

محمود صديق: 01022777471 - 01220050501

الاسكندرية:

ريهام محمدين: 01011590909

أحمد عادل: 01009229334

محمد صادق القرشي: 01282260012

حسام الدين حسني: 01006595224

مريم عبد الجواد: 01280023851

رحمة عبد العزيز: 01211799611

خلود إيهاب: 01200888466

طنطا:

مرسي المحمدي: 01007967004 

أحمد عامر :01067738678

أحمد زياده: 01003703698 

البحيرة:

أحمد خضر : 01001488878

محمد عبد الله: 01066902012

محمد يقدر يوصل لمدينة نصر والتجمع الخامس في القاهرة كمان

الزقازيق:

أحمد سعد: 01099910840

العاشر من رمضان، مصر الجديدة، مدينة نصر، الشروق والتجمع الخامس:

محمد عبد النبي: 01224499700 - 01003297700

الإمارات:

حسين جابر: 00971529897296

ياسر محمود: 00971505795195

السعودية:

وليد السباعي: 00966567970175

ولو إنت في السعودية، ممكن تحول على حساب وليد السباعي، أخو أحمد المتواجد حاليا في جدة

مصرف الراجحي

رقم الحساب: 206608010179507

أيبان: SA15 8000 0206 6080 1017 9507

أنا حياتى بقت عباره عن يوم واحد

باركولى بقيت نائبه مدير منتدى

هااااااا الحمد لله بقيت نائبة مدير منتدى 

اتمنى انكم تسجلوا فيه 

http://www.m3ne.com/vb/

واتمنى بجد يا انسانه انك تسجلى فيه 

دمتم بكل خير

ما نقص مال عبد من صدقه .. بس بالانجليزى

انا عاوزة من ده يا حزومبل هههههههههههههه

انا محتارة جداااا يا جماعة وعاوزه نصيحتكم ضرورى

انا محتارة يا جماعه واقعه فى حيرة كبيره لما بنتى بتشوف نمله على الارض هل اشجعها انها تمسك شبشب وتضربها ؟؟ ولا حرام تسبها فى حال سبيلها ؟؟ هل اعلما الرحمة والاحسان مع النمل وباقى الحشرات  ولا اعلمها انها متخفشى منها وتضربها لانها بتخاف منها جداااا لما بتشوف نمله ماشيه على الارض بتعد تصرخ وتقولى ياماما عدينى ,, يا ماما تعالى عدينى وتعد تعيط اه والله ,, امبارح كانت ماشية على الارض وبعدين بصت لقت نفسها دايسة على نامله وجنب رجليها نامله تانيه فضلت تصرخ وتعيط وتقولى ماتت ..

اصل النمله لما تكون ماشيه فى الارض لوحدها بتصعب عليا لكن لما بتمشى مع اخوتها فى اسراب بقتلهم كلهم واعمل مقابر جماعيه منهم .. بس من جوايا مش بموتهم بغل زى ما بموت الصرصار ,, اعمل ايه؟؟؟ والله بتكلم جد خدوا بلكم الرحمون يرحمهم الله ومش عشان النمل صغنطوط يبقى نفترى على مخاليق ربنا بفتكر حديث النمله لاخوتها لما قالت ادخلوا مساكنكم عشان سيدنا سليمان عليه السلام وجنوده مش يدهسها هى واخوتها ,, واشمعنى بنعلم اولادنا الرحمه فى التعامل مع الكلاب والقطط ومش مع النمل ,, الصراصير موضوع تانى الصراصير يستهلوا الضرب صراحه وبقتله وارتاح نفسيا شكله اصلا مرعب ولما بيطير بيجيلى هستيرا وبعد اطنطت لحد ما يا اضربه بالشبشب يا اما بالريد أو البيرسول وفى عنيه اعمى اللى جابوه هههههههههههههه انما النمله كائن رقيق إلا فى حاله لو قرصتنى بموتها وبموتها وبموتها تانى وبقول هى اللى جبته لنفسها وبكون مرتاحه الضمير 

انصحونى يا جماعة 

ماذا تفعل لو كنت مكانى ؟؟

اروع فيديو شفتة بجد خلانى بكيت واتمنيت ان كل الحروب تنتهى من العالم

بعد ارهاق شديد وهدة حيل طول اليوم

بعد ارهاق شديد وهدة حيل طول اليوم
.
وخلاص الولاد اتعشوا وناموا
.
وغسلتى المواعين وكلة تمام
.
وتدخلى متكسرة على السرير وكل جسمك بيوجعك
.
ومع هدوء الليل
.
تحسي برجلين بتتسحب فى الاوضة
.
تقرب
.
تقرب
.
تقرب كمان
.
وتيجى جنب ودانك
.
بكل رقة وتهمس وتقول
.
ماما ماما
.
عملت ببيبي

.
you fell like

بقى هى الدنيا كدة
بقى هما الناس كدة
ياخساااارة فرحتى
يامين ياخدنى تانى يرجعنى دنيتى

أنا هنا يا حبيبتى . قصة قصيرة

هى :أين انت ياحبيبى ؟
هو: بجانبك يا حبيبتى.
هى: دائما اناديك ولكن لا تجيبى ؟
هو:اه لو تسمعين اهاتى ,حبيبتى انا محتجز بين عينيكى بين عالمى وعالمك , عالمى ينحصر بين شفتكيى انام بصدرك كل ليلة ولا تشعرين ادفئكى بقلبى ولكن لا تسمعين نبضة ,اتعلمين آآآآآآآآآه وياليتكى تعلمين كم  أحبك كم اهواكى ياعمرى وكم أتألم لأجلك 
هى: لماذا تتركنى كل ليلة ؟ لماذا تترك عمرى يمر بدونك؟
هو :أنا؟!. لا اتركك يا حبيبتى فأنتى حبيبتى انفاسى ياعمرى فقلبك يخفق فى صدرى ولهيب انفاسك يضيئ لى طريقى .
هى:تأتينى فى صباح كل يوم افتح عيناى على ضوء الشمس وهو يأخذنى من بين زراعيك من بين حلم كنت أحلمة , كنا معا , كنا سويا . ولكنى انا الان اريدك معى فى المساء اريدك فى هذا المساء, احتاج اليك احتاج الى دفئ صدرك ولهيب انفاسك وقبلات شفتك الدافئتين احتاج الى ان تنام خصلات شعرى على صدرك العارى.
هو:لاتحزنى يا حبيبتى لم أتركك ولن أتركك اسمع صوتك وياليتكى تسمعين صوتى ولما تسمعين يكفى ان تضعى يدكى على قلبى فيخبركى عن ما عجزت شفتاى عن الافصاح به
هى :أمسكت بصورتة وقبلتها ووضعتها بجانب وسادتها كعادتها كل ليلة وقالت لها تصبح على خير .
هو : جلس على مقعده بجانب فرشها وأسند رأسه على كفية كعادته كل ليلة يراقب ملامحها فى نومها وحارس لها فى نهارها , ويقول بصوت خافت وتنهيده حارقة أنا هنا ياحبيبتى ولكنى شبح آآآآه ولكنى شبح.

اخر قصه كتبتها 

اتمنى ان تنال اعجابكم

عروس تركية لحظة خروجها من بيت والدها مؤثرة جدا((انا عيط))

فكرتينى بنفسى يا شابة ههههههههههههههههههه 

خلتينى اعدت اعيط وكل اما اشوفها اعيط وافتكر لحظه ما ماما دخلتلى الكوافير وجبتنى من ايدى كده وراحت حضنانى وبياسنى وهى بتمسح دموعها ,, بقيت كل اما اشوف عروسه افتكر ماما وهى بتبوسى وبتعيط وبتبتسم وبتحاول تضحك ياعينى وكل اللى حاوليها عمالين يقولوا ليها خلاص بقى متخليهاش تعيط والمكياج يسيح يا حبيبتى يا ماما . معلشى انا بعيط بجد مش عارفه مريم لما تيجى تتجوز هعمل ايه موقف بجد صعب اوووى ,, ربنا يسعدك يا حبيبتى يابنتى يارب

تعريف الخرس الزوجى

تعريف الخرس الزوجى
الزوجة : حبيبى انا النهاردة زهقانة اوى متيجى نخرج 
الزوج : _______________________________
الزوجة :عارف نفسى كدة نتفسح فى جو مليان خضرة وهوا 
الزوج :_______________________________
الزوجة: طيب بلاش نخرج نقعد نسهر النهاردة شوية بيقولو فيلم 
جديد هيتزاع النهاردة
الزوج :________________________________
واذ فجاءة موبيله يرن وتلاقى الاتى تتترن تتترن 
الزوج : الوووو ايوة يا معلم اية الاخبار واحشنى يا راجل لاء نتقابل 
يا باشا ونسهر للصبح بس كلم بقيت الشلة تمام اشوفك
بعد ساعة سلام
الزوج : قومى اكويلى القميص والبنطلون عشان خارج افوك شوية
السؤال : بقا هل يجوز ان الزوجة تسخن المكواه وتلزقها فى وشه ؟
او هل يجوز قتلة بسكينة باردة ؟
او يجوز شنقة بحبل الغسيل ؟

ربنا يقدرنا على فعل الخير مع حملة اعملى الخير وارمية للبحر ههههههههههههههههههههههههههههههههههههههههههههههههه

زى انهاردة من اربع سنين كنت اول مره اشوف حبيبى

السلام عليكم

طبعا كل سنه وكل أم طيبة وبخير ويارب يدى أمى الصحة والعافية وطول العمر بصلاح الحال يارب

انهاردة 21- مارس

زى انهارده 21 - مارس - 2010قبلت حبيبى وروحى وقلبى وعنيا وزوجى وابو بنتى مريم

ربنا يخليك ليا ويخلينى ليك ويحفظ لنا مريم ويرزقنا بالذرية الصالحة امين يارب العالمين

عمرى ما هنسى اليوم ده بكل تفاصيلة

فاكر لما كتبتلى

هى الربيع .. فعندما رأيتها أول مره كان الربيع يولد من رحم الارض .. وعندما رأيتها المره الثانيه كان اليوم عيد عيدها عيد الربيع .. أمضاء زوجى وحبيبى

كل سنة وأنت طيب

بلاش نحكم على الناس من بره

منقول للأمانه 

واكيد كل واحد فينا زي ما فيه جوانب مش حلوه له بردو جوانب طيبه محدش فينا ملاك ومحدش شيطان ..

بالنسبة لموضوع فوز ‫#‏فيفي_عبده‬ بجائزة الام المثاليه في نادي الطيران ..الفيس بوك كله اتريق وجاب صور لفيفيى وعمل كوميك ..

الحكاية ان تحية كاريوكا الله يرحمها كانت تبنت طفلة صغيره قبل وافتها بسنوات قليله وهي على فراش الموت طلبت من فيفي عبده انها تخلي بالها من البنت دي ..فراحت فيفى و خدتها مع بناتها الصغيرين واعتبرتها بنتها وربتها ودخلتها احسن مدارس . لغاية لما البنت دي كبرت و هي اللي طلبت تكريمها في النادي ..النادى الى هما اعضاء فيه وبيدفعوا فلوس اشتراكه .كل سنة من جيبهم ..والى بيكرم امهات الاعضاء .. كل سنة بمناسبة عيد الام فى حفلة جوة النادى

طبيعى ان البنت دى تشوف فيفى احسن واحدة فى الدنيا ..واحسن ام

... بصرف النظر عن اني لسه شايف ان في امهات تستحق التكريم .. اكتر منها بكتير بس ده مالوش علاقة بكمية التريقة والكوميكس والتشريد والهرى الى حصل ..

ونقول تاني عشان المزايدات ايوه في امهات احق منها بالتكريم 100 مره بس برضه احنا جرحنا فيها من غير لازمه

بس بلاش نحكم على الناس من بره يمكن يكونوا هما افضل مننا بكتير

فى ليلة زفافهما

في ليلة زفافهما
قال لها:
أتمنى أن أكون طفلك
فقالت له:
أنت ابن قلبي وأول مولود تشهده أنوثتى
فقال لها:
ستحبين مولودنا أكثر مني
وسيأخذ نصيبا فى الدلال فالأمومة غريزة الحياة
فقالت له:
والحب إدمان الحياة
فقال لها :
فأ انا طفل كبير وسيشاركني طفلا صغيرا حلوتي
...فأبتسمت وقالت له :
لا تقلق سأرضي رجولتك وطفولتك
فنظر فى عينيها
..وقال :
.. .. ... أحبك يا ثانى أم لى ّ♥ّ♥
فأبتسمت له
...وقالت :
... أحبك يا أول أبناً لى

زوجات للــبــيــــــــع

زوجات للــبــيــــــــع 

 

في احدى المدن افتتح متجر لبيع ( الزوجات ) حيث يمكن للرجل الذهاب لاختيار زوجة , ومن بين التعليمات التي وضعت في المدخل حول اسلوب عمل المتجر :
" إن للرجل فرصة الدخول مرة واحدة للمتجر , ويمكن الاختيار من أحد الطوابق أو الذهاب الى الطابق الاخر الاعلى منه ولكن لا يمكن النزول إلى أسفل "

دخل احدى الرجال لاختيار زوجة لها ,
في مدخل الطابق الأول علامة : السيدات هنا يجيدون اعمال المنزل , ومتدينات
في مدخل الطابق الثاني علامة : السيدات هنا يجيدون اعمال المنزل ومتدينات ويراعون ابنائهم.
وفي مدخل الطابق الثالث علامة : السيدات هنا يجيدون اعمال المنزل , ومتدينات, ويراعون أطفالهم , ويمتازون بالجمال..

وكان الرجل يستمر في الصعود وقد وصل للطابق الرابع لتجد علامة :
السيدات هنا يجيدون اعمال المنزل , ومتدينات , ويحبون أطفالهم , ويمتازون بالجمال ويساعدون ازواجهم في نفقات المنزل المنزل ..

, ولكنه استمر في الصعود

وكادت تطـــأ قدمه ذلك الطابق الا أنها استمر في الصعود

وفي مدخل الطابق السادس وجدت علامة : أنت الزائر رقم ( 4,363,012)
ليــــــس هناك أي سيدات في الطابق
لان هذا الطابق وجد خصيصاً برهـانـاً علــى : أن الرجال لا يمكن إرضاؤهم!!
شــكــرا للتســوق في متجر الزوجات , وانتــبــه لخطواتك وأنت تخرج ,

ونتمنــى لكِ يــومـاً سعيـــــــداً ..!!

(القناعه كنز لا يفنى )

عمرك قرأت بوست وبكيت من قلبك ( مع تحيات حملة خلينى اعيط يمكن ارتاح)

دي صورة عند مدفن واحدة اسمها "منى" إتوفت من زمان ، جوزها عمره ما نسيها فى أي حدث بيحصل في حياته و بيروح يكتبه بتاريخه على مكعبات الطوب اللي حوالين المدفن كأنه بيحكيلها :-

- زوجتى وحبيبتى الغاليه منى ، النهاردة رانيا بنتنا نجحت جابت 86%
- النهاردة فرح بنتك ألف مبروك يا منى
- أنا عندي مشكلة مضايقاني جاي أحكيهالك ويحكى ليها ويكتبها
- فى الشغل زودولى المرتب عاوز اجيبلك فستان جديد
- ابننا نجح بتفوق وبيسلم عليكى أوى يا منى وهو جنبى وبيحبك
- وحشتينى أوووى كان نفسي تكوني معايا ونربى العيال مع بعض .
- على فكره انا بدعى ربنا آجى قريب ليكى لكن لما أكمل تربية الولاد زي منتى عاوزه .
- جه عريس لبنتنا ولد طيب أوى وأنا عارف إنك موافقه عشان أنا موافق وهو طيب .
- بحبك أوي .. هجيلك يا منى وبدعيلك وفاكرك وعمرى ما نسيتك وفي قلبى دايماً .
- تعبت أوى يا منى عشان أربى الولاد لكن لما باجي هنا مش بحس بتعب .
- كلهم بيحبوكى وبيدعولك وحشتينى أوى يا حبيبتي
- معلش الجمعه اللى فاتت معرفتش آجى عشان خطوبة بنتك وحاسس إنك معانا.
- فاكره يا منى الأيام الحلوة اللى قضيناها مع بعض فاكره كنت بحبك قد إيه كنتى شايله عنى كتير أوووى ومتخفيش بعمل زى منتى كنتى عاوزه للولاد .
- عاوز أفضل جنبك على طووول واحكيلك وجعي وحشتينى أوى

براد بيت ده مش انسان ده ملاك ههههههههههههههههههههههه

فى تصريحاته الاخيرة عن انجلينا يقول براد بيت :
أنجلينا كانت قد أصبحت مريضة و عصبية بعد قيامها بجراحة ازالة الثدى كاجراء وقائي ضد اصابتها بالسرطان كما حدث لوالدتها و فقدت 30 باوندا و أصبحت فى أقل وزن لها فى ال35 عاما
كانت تبكى باستمرار و تشكو من الصداع الدائم و قلة النوم بالليل و النوم المتواصل بالنهار و ظهرت اكياس تحت عينيها ...باختصار لم تكن أنجلينا امرأة سعيدة كما وعدتها
علاقتنا كانت على وشك الانهيار مما زاد من ألمها اكثر و رفضت تصوير اى دور و اهملت نفسها وكنا نفكر فى الانفصال فعلا
ثم فجأة انتبهت ... انا معى اجمل نساء الارض بل انها ايقونة و المثل الاعلى للكثيرات منهن
لذلك بدأت انام بجانبها و أعانقها من كتفيها و أغرقها بالورود و الهدايا و القبلات و الكلام الجميل الصادق
وكنت فى العلن لا اتحدث الا عنها و اشيد بها امام اصداقئنا
لن تصدق ما حدث 
لقد ازدهرت مثل الوردة مرة اخرى بل انها عادت اجمل مما كانت و اكتسبت وزنا و لم تعد عصبية و احبتنى اكثر مما مضي ..لم يكن لدى فكرة انها يمكن ان تحبنى كثيرا هكذا 
ثم ادركت شيئا واحدا " المرأة هى انعكاسا رجلها "

مشكلة ضحكتى جدااا واستفزتنى جدااااا

أنا هسبكم انتم تقولوا تعلقاتكم انا مش هتكلم هههههههههههههههههههههههههههه انا هضحك بس ههههههههههههههههههههههه

تمتع بالوقت الذى تمضية مع ابنائك

تمتع بأبنائك وهم صغار فسوف تمر الأيام بسرعة ولن يبقى لك من براءتهم وطفولتهم إلا مجرد ذكريات ،

لاعبهم ؛ اضحك معهم ؛ مازحهم ؛ 
اخرج معهم ؛ كن كالطفل بينهم ؛
واجعل التعليم والأدب مع اللهو واللعب .
شاركهم وجبة عائلية و لو مرة في اليوم 

اترك الجوال قليلا لو سمحت ، واغلق التلفاز أيضا لو تكرمت ، واعتذر من الأصدقاء لو تفضلت .
إني مشغول بأطفالي أيها الأحبة .

وكل هذا لا يعني سقوط الهيبة وضياع الشخصية وترك التأديب فالعاقل يعرف گيّــِْـفٍ يوازن الأمور ويتقن التربية .

وعليك بالدعاء وطلب التوفيق من الله
فهم سندك برحمة الله في الدنيا والآخرة .

ربنا يخليكى لى يا مريومة ياقمراية