Custom Search

صحاب البيت

الثلاثاء، 8 أبريل، 2014

انا محتارة جداااا يا جماعة وعاوزه نصيحتكم ضرورى


انا محتارة يا جماعه واقعه فى حيرة كبيره لما بنتى بتشوف نمله على الارض هل اشجعها انها تمسك شبشب وتضربها ؟؟ ولا حرام تسبها فى حال سبيلها ؟؟ هل اعلما الرحمة والاحسان مع النمل وباقى الحشرات  ولا اعلمها انها متخفشى منها وتضربها لانها بتخاف منها جداااا لما بتشوف نمله ماشيه على الارض بتعد تصرخ وتقولى ياماما عدينى ,, يا ماما تعالى عدينى وتعد تعيط اه والله ,, امبارح كانت ماشية على الارض وبعدين بصت لقت نفسها دايسة على نامله وجنب رجليها نامله تانيه فضلت تصرخ وتعيط وتقولى ماتت ..
اصل النمله لما تكون ماشيه فى الارض لوحدها بتصعب عليا لكن لما بتمشى مع اخوتها فى اسراب بقتلهم كلهم واعمل مقابر جماعيه منهم .. بس من جوايا مش بموتهم بغل زى ما بموت الصرصار ,, اعمل ايه؟؟؟ والله بتكلم جد خدوا بلكم الرحمون يرحمهم الله ومش عشان النمل صغنطوط يبقى نفترى على مخاليق ربنا بفتكر حديث النمله لاخوتها لما قالت ادخلوا مساكنكم عشان سيدنا سليمان عليه السلام وجنوده مش يدهسها هى واخوتها ,, واشمعنى بنعلم اولادنا الرحمه فى التعامل مع الكلاب والقطط ومش مع النمل ,, الصراصير موضوع تانى الصراصير يستهلوا الضرب صراحه وبقتله وارتاح نفسيا شكله اصلا مرعب ولما بيطير بيجيلى هستيرا وبعد اطنطت لحد ما يا اضربه بالشبشب يا اما بالريد أو البيرسول وفى عنيه اعمى اللى جابوه هههههههههههههه انما النمله كائن رقيق إلا فى حاله لو قرصتنى بموتها وبموتها وبموتها تانى وبقول هى اللى جبته لنفسها وبكون مرتاحه الضمير 
انصحونى يا جماعة 
ماذا تفعل لو كنت مكانى ؟؟

هناك 4 تعليقات:

  1. ضحكتيتى ياجميلة هههههه عارفة أن أنا من نوع مريم بجد والله بس بصراحة مع الناموس لاء والصراصير أموت لو لقيتة عندى مش خوف منة لكن أقول أنى أهملت النظافة بس .طيب ماذا تفعلى لو بيتك ملينا قطط أة والله وقطط عادية ( قطط شارع) مش مثلا ان أنا دلوعة بقى وأشتريت قطة شيرازى ولاسيامى لالالا خالص هي بدأت بقطة دخلت عندنا فكنت بحنوا عليها فمش عارفة قالت الست دى عبيطة ولا أية هههههه هو في حد بيعمل كدة مع قطط الشوارع دة أحنا بيجروا ورانا يا بالعصاية أو بالشبشب هههه لالا أكيد الست دى عبيطة وعنها ياحبيبتى وراحت والدة عندى أة والله قلت معلش طيب لما يكبروا شوية أخرجهم وأمشيهم من البيت ومفيش فترة قصيرة وفوجئت أنها ولدت تانى يالهوى أية دة أنتى يعنى أزاى ههههه بجد والله أزاى كدة وبالسرعة دى أنتى فاهمانى ياجميلة ههههههه طيب دلوقتى أعمل أية وللعلم هي على وشك الولادة عندى للمرة الثالثة ياااااربى طيب دلوقتى أعمل أية وأسرب مين ولامين ههههه عارفة قربت تجننى دا قى قط من ولادها قرب يكلمنى وحياة ربنا مش بكذب في قط مرتبط بيا جدا لدرجة أنى حسيت أنى بفهم نونوتة هههه عرفاكى بتضحكى عليا طيب قوليلى أنتى تعملى أية لو كنتى مكانى .... كل قبلاتى ليكى ولمريم العسولة حبيبة قلبى ولاتقتلى بداخلها تلك الرقة والرحمة اللى ربنا سبحانة وتعالى أنعم عليها بيهم .
    جميلة طولت عليكى معلش بس بجد خلتينى أضحك ربنا يخليكى ولكى ماشئتى ان تنشرى رسالى هذه أو لاء عشان أنا عارفة ان المفروض مايكونش الكلام كتير كدة .
    جميلة دايما أفكارك في الكتابة أكتر من رائعة يارب يديم عليكى الصحة والفرح وراحة البال .

    ردحذف
  2. ههههههههههههههههه ضحكتينى بجد بس انا زيك كده لانى كنت مربيه قطه سيامى ومسمياها ساسو الله يرحمها ماتت من سنه كانت عندى بقلها 10 سنين وولدت وخلفت وكنت بحبها اوووى ماتت منتحره ههههههههههههههههههههههه رمت نفسها من الشباك كانت بتبص على الحمام اللى واقف على الشباك من فوق وافتكرت انها هتعرف تجيب راحت واقعه من الدور الرابع ماتت ياحرام .. انا اصلا مجنونه قطط ,,فا انا عارفه شغورك كويس والله ساسو كانت خلفت قط اسمو سيمو ولما كنت باجى ازعقلوا كان بيعيط اه وربنا بينزل دموع وكان بيصعب عليا هى بقى لقت عندك الامان والحنان والطيبه والمأوى قالت ده انتى لقطه ربنا يجازيكى كل خير يارب ممكن تسربى كام عيل من عيالها وخلاص اصل كترهم وحش عشان النفس ولو عندك بنات مش حلو عليهم او لو عندك حد من بناتك متجوز او حامل مش حلو عموما انتى ربنا يجزيكى كل خير يارب ,, انتى تتكلمى براحتك ان شاء الله حتى تكتبى 10 صفحات فى تعليق انا بستمتع بكل كلمه انتى بتكتبيها وبعد اقراها كتير والله عارفه احساسك انك مش قادره توزعيهم او تسربيهم انا وزعت اولاد ساسو وكنت مسمياهم احفادى لان ساسو كانت بنتى ههههههههههههههه بس اوعى تقولى لمريم هههههههههههه وزعتهم لانهمكانت ذكره ياعنى اولاد وكانوا بيتخنقوا مع بعض وبيبهدلوا الدنيا بيبى واكتفيت بساسو فقط وهى بعد كنت نفسها اتسدتت عن الجواز هههههههههههههههههه متجوزتشى تانى بعد ابو العيال لحد ما ماتت مش زى القطه اللى عندك مش رحمه نفسها هههههههههههههههههه كل شويه تجوز وتخلف مش بتتعب فيهم دى ولا ايه هههههههههههههههههههههههههه ,,,لما اتجوزت سبتها لماما ومريم كنت بتحبها اوووى بس الله يرحمها بقى ,, انا الناموس والصراصير بقتلهم بلا شفقه او رحمه انا والله برش عندى الارض وبمسحها بمنظفات بس مش بتحوق فى النمل يومين تلاثه كده والقيهم ظهروا تانى
    هى بتحبك وولادها بيحبوكى عشان انتى انسانه طيبه وسكره وتتحبى وانا والله بحبك من غير ماشوفك انتى انسانه عسوله

    يارب اللهم امين يديم عليا راحه البال يارب والصحه والسعاده
    ادعيلى بقى انى اخاوى مريم واجيب ولدين تؤأم
    متنسنيش فى دعواتك اتفقنا

    سلام يا سكره

    ردحذف
  3. امين يارب :)
    ربنا يكتبلك الخير كله يارب ويوفقك ان شاء الله :)

    ردحذف
  4. كل الشكر يا السعوديه

    متصفحى نور بتواجدك

    يارب يكتبلى ويكتب وللامه الاسلاميه الخير اينما وجد

    دمت بكل خير

    ردحذف