Custom Search

صحاب البيت

الثلاثاء، 22 ديسمبر 2009

قلوب محطمه للبيع




قلوب محطمه للبيع


أقيم مساء اليوم مزاد علنى لبيع القلوب المحطمه .. أصطف الرجال ليعلنوا عن بيع قلوبهم  حاملين ماتبقى منها فى راحت أيديهم  .. ووقفت النساء أيضاً تحملن ما تبقى من قلوبهن على أستعداد لشراء  قلب الرجل المناسب لكل واحده منهمن .

          تقدم رجل يحمل فى راحه يديه ثلاث قطع فقط هى كل ما تبقى من قلبه فأخذ المعلن يعلن عنه ويردد بناقوسه الصغير .. معنا رجل يحمل ثلاثه قطع من قلبه فهل من شارٍ فرفعت واحده يديها ,, أشتريه بقطعه بينما رفعت الأخرى يديها اشتريه بقطعتين فقال المعلن أخر نداء رجل يحمل ثلاث قطع من قلبه وستشتريه تلك المرأه صاحبه الوشاح الأحمر بقطعتين فقط هل من مزود ؟؟ صمت الجميع فطرق على طاولته بمطرقته الصغيره "بيع".

           تقدم رجل أخر يحمل فى يده قطعتان وبيع وأخر يحمل فى يده أربع قطع وأيضاً بيع ثم تقدم رجل حسن المظهر جميل الملامح يحمل فى يده قلبه كاملاً لاينقص منه شئ .. فتعجب الحاضرين ولمعت عيونهم وبدأ المزاد فتهافتت النساء وعلت أصواتهن ثم وجدوا امرأه نهضت  لتغادر القاعه فتوجهت أنظار الحاضرين إليها كيف لها أن تترك مثل هذا الكنز الثمين  وقد أقيمت معركه من أجل الحصول عليه  أستوقفها الرجل الذى ينادى بالمزاد وقال لها مهلاً ياسيدتى لماذا تغادرين القاعه ولا تشترين ؟؟. ألا يوجد لدينا ماتبغين ؟.

          فقالت له لأننى لا أحمل مايكفى لشراء أى قلب  أو حتى ما تبقى من كل تلك القلوب  ,, فتعجبوا لحالها  فقال لها ولماذا إذاً جئتِ  ؟؟.  فقالت فى الحقيقه لقد سلمت قلبى لهذا الشاب  الذى يحمل قلباً سليماً هناك وقد قام بتحطيم قلبى وبعثر ثناياه بعد أن وهبته له  فجئت لأرى فقط هل تأثر قلبه من جراء تحطيمه لقلبى؟؟ هلفقد بعض من اجزاءه أم مازال قلبه سليم ولم يتحطم ؟. وأظننى عرفت أجابه سؤالى فلهذا غادرت مزادكم لأنه لم يعد لى قلب أو حتى أجزاء تكفى لكى أحب قلب أخر بها .

فأندهش الحاضرين منها وصمت الجميع وتراجعوا عن قرار شراؤه فتنح الرجل جانباً حتى اجبرته نظراتهم أن يغادر مزاد بيع القلوب المحطمه نظراً لعدم أستيفائه للشروط..

قلوب محطمه للبيع
بقلم
جميله المصرى 

هناك 16 تعليقًا:

  1. فكرة مزاد للقلوب المحطمة فكرة أسطورية بمعنى الكلمة (أي كانها أسطورة) .. شدتني الفكرة أوي
    أحيانا بالفعل بتتطبق في الحياة إتنين مجاريح يتلموا على بعض .. يداووا جرح بعض .. يحبوا بعض .. هكذا تتم الصفقة .. حب بحب .. عطاء بعطاء .. إخلاص بإخلاص .. و كلاهما ربح .. و فرح
    أيضا القصة بتلقي الضوء على فكرة إن ممكن اللي إتشدينا ليه لمجرد إنه ظاهر إنه كويس يكون في الأصل مش كويس و الجمال ده قناع يداري بيه قبحه .. الجوهر قبل المظهر
    جميل إن القصة يكون ليها هدف تعليمي ما .. و الأجمل إن القصة متنتهيش بالدروس المستفادة .. لإن ساعتها القصة بتتحول لحصة
    أجمل تحياتي

    ردحذف
  2. بصراحه مش لاقى كلام
    لان جرح القلوب يعنى موت الحب
    والحب دمعه اذا سقطت يستحيل استرجاعها

    ali

    ردحذف
  3. ماهر منورنى والله ومنور المدونه بتعليقك الجميل ده

    وسعيده جدا ان القصه نالت اعجابك وفكرتها كأنها اسطوره زى ما وصفتها

    انا حبيت القى ضوء على فكره ليس كل ما يلمع ذهباً زى ما انت قلت الجوهر قبل المظهر

    نورت المدونه ياماهر

    تسلم ايدك

    اختك جميله المصرى

    ردحذف
  4. كلامك ياعلى فى حد ذاته لا اجد كلام يناسبه فى قيمته لكى اارد عليه

    الحب احيانا بيكون السلاح الى بنقتل نفسنا بيه

    تسلم ايدك ياعلى

    منورنى والله دائما

    اختك جميله المصرى

    ردحذف
  5. يا الله
    يعنى انا اول مارجع افتح المدونة الاقى قصة بالشكل ده
    بس كنت عايز ااقول لما تسلم قلبك وحبك لشخص وهوا مش اد الحب ده يبقى ماتلومش غير نفسك وماتسالش عن قلبك تانى ولا حبك
    وخدش فى القلب هوا هوا تحطم القلب وساعتها بقايا القلب لا تقدر بثمن

    وتسلم ايدك ياجراحة المشاعر
    ودايما كده مقلبة علينا المواجع

    ردحذف
  6. السلام عليكم

    ياااااااااااااااااه والله زمان يا نو نيم حمد لله على سلامتك

    منور والله المدونه دا انا قلت خلاص نو نيم نسي المدونه خالص

    بجد والله مبسوطه جدا ان القصه عجبتك

    انا عارفه انها حزينه بس ايه فى حياتنا مبقاش حزين وبقى يفرح الحمد لله طبعا على كل شئ اللهم لا اعتراض

    عشان محدش يقول حاجه ههههههههههه

    بص انا ليه رأى على تعليقك ده ان فى بعض ناس بتظهر لينا انها فعلا تستحق قلبنا ومش بس قلبنا روحنا ياعنى بتمثل واحنا عشان طييبين بنصدق بسرعه

    منورنى والله ويارب باقى القصص الى على المدونه تعجبك

    وانا اصفت شئ جديد على المدونه اسمه المتابعون للمدونه يارب الفكره تعجبك وتشترك فيها

    حمد لله على سلامتك مره تانيه

    اختك جميله المصرى

    ردحذف
  7. فكرة جديدة كما تعودنا منك على الابداع والتميز اتمنى لكى المذيد من الافكار والابداع لكى تتحفينا برائعة ادبية مميزة تسمر اقدامك فى عالم الادب والفن
    ودمتى دائما مبدعة ومتألقة فى سماء الفن

    ردحذف
  8. روبى ياقمر منورانى والله ياسكر

    وفرحانه ان فكره القصه عجبتك

    ومرسيه على كلامك الجميل ده ياقمر وادعيلى كده فعلا انى ادخل عالم الادب والفن

    لا لسه الطريق طوووويل

    تسلم الايادى ياسكر

    اختك جميله المصرى

    ردحذف
  9. قلوب محطمة ورغم تحطمها وحزنها ..
    تجدها صامدة كالصخرة ..
    تتحطم عليها كل المآسي والذكريات المؤلمة والمريرة..
    قلوب محطمة لكنها تبقى قلوب صافية ،
    قلوب طيبة ،
    تخجل الورود ان تلامسها لروعة احساسها

    وفي كل مرة يحتار قلمي فيما يعلقك علي ابداعاتك
    ولا يجد في جعبته سوي شكرك علي ما تمتعينا به دائما

    في انتظار كل جديد لك

    اختك
    أميرة بلا قلب

    ردحذف
  10. امورتى الحلوه بقت طعمه

    تسلم الايادى ياقمر والله كلامك هو الى ابداع ويصعب الرد عليه ياسكر

    بتنورينى والله فى مدونتى

    هى ليست فقط قلوب محطمه ولكنها كانت قلوب صادقه احبت بصد واخلصت بصدق وتألمت أيضاً بصدق

    تسلم الايادى يا اموره

    اختك جميله المصرى

    ردحذف
  11. احب احييكي علي فكرة القصة الرائعه

    رغم قلة صفحات القصة وبساطتها الا انها من اجمل واكثر القصص التي شدتني في كتاباتك ( رغم روعه باقي كتاباتك )
    الا انكي في هذه القصة تفننتي في ان تضعي كل كلمة في مكانها الصحيح

    فعلا ليس كل مايلمع ذهبا

    وليس كل شيء نراه في بهاء وجمال هو ( الكمال )

    فمن الممكن ان يكون هو النقص وقلة الشعور بمي تحتوي الكلمة من معاني

    اسف للاطالة ولكن كلماتي تعجز عن ان توفي للقصة حقها

    تقبلي تحياتي

    حامل المسك

    ردحذف
  12. السلام عليكم

    منور يامحمود والله

    ومبسوطه ان الفصه عجبتك (كلمتى المعتاده انا عارفه)ههههههههه بس بجد مش بعرف اقول ايه لما بلاقى حد اعجب بالقصه

    كلماتها بسيطه فعلا بس فى الحقيقه هى فكره اكتر منها قصه ياعنى ساعات بنسلم قلبنا لناس عمرها محبتنا وعمرها ماحست بينا وحتى لما بنتعذب بعديهم عمرهم ما بيبكوا على حالنا لا دول ببينسونا وبيروحوا يبتدوا ويعشوا حياتهم من اول وجديد

    ونعيش احنا فى الذكره على امل انهم يكونوا فاكرنا

    لكن بنكتشف اننا بس احنا الى عايشين فى الماضى وسجنين نفسنا فيه

    تسلم الايادى يا محمود

    ربنا يخليك يارب

    منور المدونه

    اختك جميله

    ردحذف
  13. فكرة كثير حلوة أختي جميلة

    و الله أبدعة في كتابتها

    شدتني فكرة بيع القلوب بالمزاد

    فكرة حلوة و خاصة عمق معناها

    حقيقة ذي قصة فريدة من نوعها

    و أصتفها القصة الأكثر روعة من القصص لي قرأتها

    ردحذف
  14. السلام عليكم

    منورنى والله يادراجون

    وسعيده جداااا ان القصه عجبتك


    وربنا يخليك انك صنفتها من اروع القصص الى قرتها ليا ده شرف ليا فى حد زاته ان قصصى تعجبك

    منورنى والله وتسلم ايدك ويارب باقى القصص الى على المدونه تنول اعجابك

    اختك جميله المصرى

    ردحذف
  15. عن جد ياجميلة القصة رووووووووووووووعة وكلماتك اروع انتي بهذة القصة وصفتي شعور اكثر من الف شخص وعبرتي عن اللي بجواهم وانا بشكرك على هالكلام اللي من جد بيجنن ربي يوفقك ويحميك عن جد مبدعة وماعندي غير اني اقلك بالتوفيق ومزيدا من التقدم

    ردحذف
  16. السلام عليكم

    اخى الكريم بجد اسعدتنى كلماتك الجميله جدااااااااااااا

    وفرحانه كتيررررررررررر ان القصه نالت اعجاب واستحسان حضرتك

    واتمنى يارب ان باقى اعمال المدونه تنول اعجاب حضرتك

    ربنا يخليك يارب

    وتسلم ايدك

    اختك جميله المصرى

    ردحذف